امریکا میں فلم کے پریمیئر پر فائرنگ14افراد ہلاک 50زخمی

ایک مشتبہ شخص کو حراست میں لے لیا گیا ، دوسرے کی تلاش جاری ہے، حکام کا دعویٰ, فوٹو پبلسٹی

---

امریکامیں بیٹ مین سیریز کی فلم 'دی ڈارک نائٹ رائزز'کے پریمیئرپرفائرنگ سے 14افرادہلاک اور 50 زخمی ہو گئے۔

غیرملکی میڈیاکے مطابق امریکی ریاست کولوراڈوکے شہرڈینور میں مسلح نقاب پوش افراد نے پریمیئرکے دوران فائرنگ کی اورآنسو گیس بم بھی پھینکا جس سے 14 افراد ہلاک اور 50زخمی ہوگئے۔ حکام کے مطابق ایک مشتبہ شخص جیمز ہومز کو حراست میں لے لیا گیا ہے جبکہ دوسرے کی تلاش جاری ہے۔

امریکاکے مختلف شہروں ، نیویارک، سان ڈیاگو، سان فرانسسکو میں بھی فلم کے پریمیئر ہورہے ہیں جبکہ ڈینور میں 'دی ڈارک نائٹ رائزز ' کے پریمیئر کے دوران عوام کی ایک بڑی تعداد اپنے پسندیدہ اسٹارز کی جھلک دیکھنے کیلیے موجود تھے کہ اس دوران فائرنگ کر دی گئی۔