مقبوضہ کشمیرمیں پیلٹ گن کا استعمال 8 سال میں569 کشمیری معذور

73افرادبینائی، 174بازئوں، 100 ٹانگوں اور222 دیگر اعضا سے محروم ہوئے، انٹر نیشنل فورم فار جسٹس وہیومن رائٹس کی رپورٹ

APP May 03, 2016

کشمیر میں غیر ریاستی باشندوں کو نہیں بسایا جاسکتا،انصاری، بھارت میںطالبات کواسکارف کیساتھ میڈیکل داخلہ ٹیسٹ سے روک دیا گیا فوٹو: فائل

مقبوضہ کشمیر میںانسانی حقوق کی مقامی تنظیم انٹرنیشنل فورم فار جسٹس وہیومن رائٹس نے پیلٹ گن سے متاثر ہونے والے افرادکے بارے میں رونگٹے کھڑے کردینے والی رپورٹ جاری کی ہے ۔

جس کے مطابق وادی کشمیرمیںپیلٹ گن کی وجہ2008سے رواںسال 31مارچ تک 569 افراد زندگی بھرکیلیے معذور ہوگئے ہیں۔کشمیرمیڈیا سروس کے مطابق رپورٹ میں کہا گیاکہ متاثرین میں 73 افرادبینائی سے محروم ہوگئے جبکہ 174افرادکے بازوناکارہ اور100 افرادکی ٹانگیں بے کار ہوگئی ہیں جبکہ 222 افراددیگر اعضا سے محروم ہوگئے۔ رپورٹ میں کہاگیاکہ ضلع سری نگر میں مجموعی طورپر 109 افراد پیلٹ گن کی فائرنگ سے متاثر ہوئے جن میں 23 افرادکی بینائی، 37بازئوں، 13 ٹانگوںاور31 دیگر اعضا سے محروم ہوگئے۔

رپورٹ کے مطابق گاندربل میںمجموعی طور پر27نوجوان، بانڈی پورہ میں29، بارہ مولہ میں 84 افراد،کپواڑہ میں 18، پلوامہ میں67، شوپیاں میں 49، کولگام میں48 اورضلع اسلام آبادمیں95 افراد پیلٹ گن سے متاثر ہوئے۔ مقبوضہ کشمیرمیںکشمیر کے بارے میں بھارت کے سابق مصالحت کارایم ایم انصاری نے سری نگرمیںمیڈیاسے گفتگو کرتے ہوئے کہا کہ قوانین کے تحت بھارت وادی کشمیر میں غیر ریاستی باشندوں کو آباد نہیں کرسکتا۔