ڈارلنگ میں پیٹریاس کے عشق اسکینڈل پر پاکستانی تھانیدار سے تفتیش

’’ڈسکو دیوانے‘‘ کا پیروڈی سانگ شامل، الماس بوبی کا انٹرویو بھی کل نشر کیا جائیگا۔ فوٹو: فائل

---

امریکا کی خفیہ ایجنسی سی آئی اے کے چیف ڈیو ڈ پیٹریاس کے عشق اسکینڈل میں پاکستانی ایس ایچ او نے تفتیش شروع کردی ہے۔

جہاں ایس ایچ او نے تفتیش کے دوران کہا کہ جمالیاتی حس (دماغ) کا علاج کرائو ' تونے پائولہ کو پامیلا سمجھ کر اس کے عشق میں اتنا غرق ہوگیا کہ اپنے اتنے بڑے منصب سے ہاتھ دھونے کے ساتھ بدنامی بھی حاصل ہوئی ہے۔ اس کے علاوہ دونوں کے درمیان ہونیوالے دلچسپ مکالمے اور باتیں یہ سب کچھ ایکسپریس نیوز کے مقبول پروگرام ''ڈارلنگ'' میں اتوار کو رات آٹھ بجے دیکھا جاسکتا ہے۔ جس میں ''ڈارلنگ'' پیٹریاس کے روپ میں پاکستانی تھانہ بابو صابو کے ایس ایچ او کے سامنے تفتیش کے مراحل سے گزریں گے ۔

ایس ایچ او کا یہ روپ ڈپٹی ڈارلنگ نے دھارا ہوا ہے۔ اس کے علاوہ پاپ گلوکارہ نازیہ حسن کا مقبول گانا ''ڈسکو دیوانے'' جو کرن جوہر کی حال ہی میں ریلیز ہونے والی فلم ''اسٹوڈنٹ آف دی ائیر'' میں شامل کیا گیا ہے اس کا پیروڈی سانگ ''ڈیوڈ دیوانے'' تیار کیا گیا ہے۔ خواجہ سرائوں کی شی میل ایسوسی ایشن کے چیئرمین الماس بوبی ڈار ' ڈارلنگ ' ڈپٹی ڈارلنگ' ملتانی ' شہزادہ شیخو سمیت دیگر کو انٹرویو دینگے۔ پروگرام کے دیگر سیگمنٹس جس میں سیاسیکل ٹاک ' ڈار منٹری 'جگنی میں بھی موجودہ سیاسی اور معاشی سمیت دیگر ملکی حالات پر دلچسپ تبصرے اورتجزئیے شامل ہیں۔