کراچی کے علاقے رضویہ میں پولیس کی کارروائی عزیر بلوچ کا کمانڈر گرفتار

ملزم بینک ڈکیتی سمیت دیگر وارداتوں میں بھی مطلوب تھا، پولیس۔ فوٹو؛ فائل

---

KARACHI: رضویہ میں پولیس نے کارروائی کے دوران لیاری گینگ وار کے سرغنہ عزیر بلوچ کے کمانڈر ریاست بلوچ کو گرفتار کرلیا۔

پولیس نے کراچی کے علاقے رضویہ میں خفیہ اطلاع پر کارروائی کے دوران لیاری گینگ وار کے سرغنہ عزیر بلوچ کے کمانڈر ریاست بلوچ کو گرفتار کرلیا۔ پولیس کے مطابق ملزم پاک کالونی میں منشیات کا اڈہ چلارہا تھا جب کہ ملزم بینک ڈکیتی سمیت دیگر وارداتوں میں بھی مطلوب تھا۔

واضح رہے کہ عزیر بلوچ پر قتل، اقدام قتل، بھتا خوری اور دیگر جرائم کے 55 مقدمات درج ہیں جب کہ عزیر بلوچ اس وقت پولیس کی تحویل میں ہے۔