یمن ٹریفک حادثے میں ایک ہی خاندان کی 15 خواتین ہلاک

16زخمی ہو گئیں،خواتین شادی کی تقریب میں شرکت کے لیے جارہی تھیں۔ فوٹو: فائل

---

ISLAMABAD: یمن میں ٹریفک کے ایک حادثے میں ایک ہی خاندان سے تعلق رکھنے والی 15 خواتین ہلاک ہوگئیں۔

سرکاری خبر ایجنسی صبا کے مطابق یہ خواتین جمعرات کو اس وقت ہلاک ہوئیں جب ان کی گاڑی ایک کھائی میں جاگری۔ ایجنسی کا کہنا ہے کہ ایک ہی خاندان کی15خواتین ہلاک اور دیگر16زخمی ہو گئیں جن میں سے بعض کی حالت نازک بتائی جاتی ہے۔خبرایجنسی نے ایک مقامی حکومتی اہلکار کے حوالے سے کہا کہ یہ خواتین شادی کی تقریب میں شرکت کیلیے ایک گائوں سے دوسرے گائوں جارہی تھیں اور ان کی گاڑی اوورلوڈ تھی جسکی وجہ سے یہ حادثہ پیش آیا۔