پنجاب رینجرزکی گھونڈی بارڈرکے قریب کارروائی 2 اسمگلر ہلاک

جائے وقوعہ سے بھارتی شراب کی بوتلیں بھی برآمد ہوئی ہیں، ذرائع

ویب ڈیسک May 05, 2016

اسمگلروں کو رکنے کااشارہ کیا لیکن وہ نہ رکےاورفائرنگ شروع کردی، ذرائع:فوٹو:فائل

پنجاب رینجرز نے گھونڈی بارڈر کے قریب کارروائی کی جس کے دوران دوطرفہ فائرنگ کے تبادلے میں 2 اسمگلر مارے گئے۔

ایکسپریس نیوز کے مطابق بھارت سے متصل گھونڈی بارڈر کے قریب پنجاب رینجرز کے اہلکار معمول کے گشت پر تھے کہ رینجرز پارٹی نے پاک بھارت بارڈر کے قریب مشکوک حرکت کے باعث 2 افراد کو رکنے کا اشارہ کیا تاہم انہوں نے رکنے کے بجائے رینجرز اہلکاروں پر فائرنگ شروع کردی۔

دوطرفہ فائرنگ کے تبادلے میں دونوں مشکوک افراد مارے گئے جن کے قبضے سے بھارتی شراب کی بوتلیں اور اسلحہ قبضے میں لے لیا گیا۔ ذرائع کے مطابق ہلاک اسمگلر شراب کی بوتلیں اسمگل کر رہے تھے اور رینجرز اہلکاروں کی جانب سے مشکوک جاننے پر انہوں نے اہلکاروں پر فائرنگ کی۔