راولپنڈی نامعلوم افراد نے کرنل ر انعام الرحیم کے بیٹے کی گاڑی کو آگ لگادی

نامعلوم مسلح افراد نے کرنل (ر) انعام الرحیم کے بیٹے کی گاڑی کو روک کر آگ لگا دی۔


ایکسپریس نیوز کے نمائندے عمران اصغر کے مطابق نامعلوم مسلح افراد نے کرنل (ر) انعام الرحیم کے بیٹے کو روک کر گاڑی سے نیچے اتارا اور گاڑی کے اوپر کیمیکل چھڑک کر آگ لگا دی، مقامی افراد اور ریسکیو کی ٹیموں نے آگ پر قابو پانے کی کوشش کی لیکن اس وقت تک گاڑی مکمل طور پر جل چکی تھی۔

کرنل (ر) انعام الرحیم کا بیٹا محفوظ رہا، نامعلوم افراد جائے وقوعہ سے فرار ہوگئے، پولیس نے علاقے کو گھیرے میں لے کر تحقیقات شروع کردی ہیں۔