فیصل آباد میں سیکورٹی فورسز کی کارروائی میں 5 ملزمان گرفتار اسلحہ برآمد

گرفتار ملزمان دہشت گردوں کے سہولت کار کا کام کرتے تھے جنہیں خفیہ اطلاع پر کارروائی کے دوران گرفتار کیا گیا۔ فوٹو؛ فائل

---

میراں والہ بنگلہ میں سیکورٹی فورسز نے کارروائی کرکے 5 ملزمان کو گرفتار کرلیا جن کے قبضے سے بڑی تعداد میں اسلحہ بھی برآمد کرلیا گیا ہے۔

ایکسپریس نیوز کے مطابق فیصل آباد کے علاقے میراں والہ بنگلہ میں سیکورٹی فورسز نے خفیہ اطلاع پر کارروائی کے دوران 5 افراد کو گرفتار کرلیا جن کے قبضے سے بڑی تعداد میں اسلحہ برآمد کیا گیا۔ سیکورٹی فورسز نے دہشت گردوں کے ساتھ رابطے کی اطلاع پر کھیتوں میں واقع مکان پر چھاپہ مارا جہاں سے تلاشی کے دوران آٹومیٹک مشین گن، دستی بم اور دیگر اسلحہ برآمد کیا گیا جب کہ گرفتار ملزمان دہشت گردوں کے لیے سہولت کار کا کام کرتے تھے جو کہ دہشت گردوں کواسلحہ فراہمی کے ساتھ ساتھ مختلف ٹارگٹ کی ریکی کرتےتھے۔

واضح رہے کہ گزشتہ رات بھی فیصل آباد کے گردونواح میں سیکورٹی فورسز کی جانب سے آپریشن کی کیا گیا تھا جس میں 5 دہشت گردوں کو گرفتار کیا گیا تھا۔