شریف خاندان کا قومی خزانے سے 43 کروڑ روپے ذاتی گھرپرلگانا شرمناک عمل ہے عمران خان

عوام بھوکے مر رہے ہیں اور شریف برادران عوام کا پیسہ اپنے محلوں پر لگارہے ہیں , عمران خان : فوٹو : فائل

---

تحریک انصاف کے چئیرمین عمران خان کا کہنا ہے کہ وزیر اعظم نواز شریف کا سارک کانفرنس کے نام پر مری میں ذاتی گھر پر 43 کروڑ روپے مختص کرنا شرمناک عمل ہے۔

سماجی رابطے کی ویب سائٹ ٹویٹر پر اپنے پیغام میں عمران خان کا کہنا تھا کہ عوام بھوکے مر رہے ہیں اور شریف برادران عوام کا پیسہ اپنے محلوں پر لگارہے ہیں، سارک کانفرنس کے نام پر مری میں اپنے گھر کی تزئین و آرائش کے لئے 43 کروڑ روپے قومی خزانے سے منظور کرانا شرمناک عمل ہے۔

Shameful how govt has approves Rs 43 chores for refurbishing Sharif's personal home in Murree using SAARC Summit in Murree as a pretext. 1/3

— Imran Khan (@ImranKhanPTI) May 8, 2016

چیئرمین تحریک انصاف کا کہنا تھا کہ شریف خاندان پہلی مرتبہ قوم کا پیسہ اپنے ذاتی استعمال میں نہیں لائے بلکہ انہوں نے قوم کا پیسہ ہمیشہ اپنے ذاتی مقاصد کےلئے استعمال کیا، رائیونڈ روڈ پر لگائے گئے 11 ارب روپے کا کیس اب بھی قومی احتساب بیورو کے پاس موجود ہے، یہی وجہ ہے کہ حکمرانوں کی شاہ خرچیوں کے باعث عوام ٹیکس دینے میں ہچکچاہٹ کا شکار ہیں۔

2/3 This is not first time Sharifs have used public money on their properties. Rs 11 b was spent upgrading Raiwind estate & it's environs.

— Imran Khan (@ImranKhanPTI) May 8, 2016

3/3 The Raiwind road case is still in NAB. With such abuse of public money by our ldrs, it is no wonder ppl are reluctant to pay taxes.

— Imran Khan (@ImranKhanPTI) May 8, 2016

چیئرمین تحریک انصاف نے کراچی میں سماجی کارکن خرم ذکی کے قتل کی مذمت کرتے ہوئے کہا کہ خرم ذکی کا قتل حکومت کی نااہلی کا منہ بولتا ثبوت ہے۔

Strongly condemn the murder of rights activist Khurram Zaki in Karachi. Shameful reflection of the state of law and order & writ of the govt

— Imran Khan (@ImranKhanPTI) May 8, 2016