ISLAMABAD: کرکٹ آسٹریلیا کی جانب سے کھلاڑیوں کی سلامتی کیلیے ہونے والے ریویو کے نتائج بدھ کو جاری کیے جائینگے۔

آسٹریلوی بورڈ نے 2014 میں سرپر گیند لگنے کی وجہ سے فل ہیوز کی المناک موت کے بعد خصوصی ریویو کمیشن کا اعلان کیا جو میلبورن کے بیرسٹر ڈیوڈ کرٹین پرمشتمل تھا۔ ان کا کام فل ہیوز جیسے واقعات سے مستقبل میں بچنے کیلیے سفارشات تیار کرنا تھا، انھوں نے اپنی رپورٹ مکمل کرلی جو اب ریلیز کی جائیگی۔

واضح رہے کہ آسٹریلوی کرکٹرز پہلے ہی انگلینڈ میں بنے نئے ہیلمٹ استعمال کررہے ہیں جو اضافی گارڈز کی وجہ سے گردن کے عقبی حصوں کی بھی حفاظت کرتے ہیں۔