پشاورمیں باچاخان ائیرپورٹ پرمسافرسے منشیات کی بھاری مقداربرآمد

گرفتارکیے جانے والے مسافر کا تعلق چارسدہ سے ہے جو کہ نجی ائرلائن سے جدہ جا رہا تھا، اے این ایف:فوٹو:فائل

---

اینٹی نارکوٹکس فورس (اے این ایف) کی جانب سے کارروائی کے دوران باچاخان ائیرپورٹ پر مسافر سے بھاری مقدارمیں منشیات برآمد کر لی گئی۔

ایکسپریس نیوزکے مطابق پشاورمیں باچاخان ایئرپورٹ پراینٹی نارکوٹکس فورس نے کارروائی کرتے ہوئے مسافر سے منشیات کی بھاری مقدار برآمد کر لی، ملزم کے ہینڈ بیگ سے 1800 گرام آئیس منشیات برآمد ہوئی۔

اے این ایف کے اہلکار کا کہنا ہے کہ گرفتار کیے جانے والے مسافرکا تعلق چارسدہ سے ہے جو کہ نجی ائرلائن سے جدہ جا رہا تھا.