پانامالیکس پرکارروائی نہ کرکے چیئرمین نیب آئین شکنی کے مرتکب ہورہے ہیں عمران خان

جس قوم میں امیروں اور غریبوں کیلئے الگ الگ قوانین ہوں وہ تباہ و برباد ہو جاتی ہیں، عمران خان. فوٹو؛ فائل

---

پاکستان تحریک انصاف کے چیرمین عمران خان کا کہنا ہے کہ پاناما لیکس کے تحریری ثبوت ہونے کے باوجود اس پر کارروائی نہ کر کے چیئرمین نیب آئین شکنی کے مرتکب ہورہے ہیں۔

سماجی رابطوں کی مائیکرو بلاگنگ ویب سائٹ ٹویٹر پر اپنے پیغام میں چیرمین تحریک انصاف کا کہنا تھا کہ پاناما لیکس میں تحریری شواہد سامنے آنے کے باوجود نیب کیوں ایکشن نہیں لے رہا؟ نیب قانون ایسے معاملات میں ایکشن لینے کا کہتا ہے۔

2/3 Why is NAB not moving despite documentary evidence coming out in Panama Papers disclosures? NAB law requires action in such cases

— Imran Khan (@ImranKhanPTI) May 12, 2016

عمران خان کا کہنا تھا کہ اگرنیب کے سربراہ پاناما لیکس کے شواہد سامنے آنے کے بعد بھی ایکشن نہیں لیتے تو پھر یہ خود بھی نیب آئین کی شق 9 اے کی خلاف ورزی کے مرتکب ہوں گے۔

3/3  If NAB chief does not take action on Panama documentary revelations, it would be an offence itself U/s 9 ( a ) of NAO 1999.

— Imran Khan (@ImranKhanPTI) May 12, 2016

چیئرمین تحریک انصاف نے کہا کہ مسلم لیگ (ن) کے رہنما کیپٹن صفدر نے اپنی اہلیہ مریم نواز کے اثاثے چھپائے، اس حوالے سے ہم نے الیکشن کمیشن کو درخواست جمع کرادی ہے، اب قوم الیکشن کمیشن کے ایکشن کی منتظر ہے۔ مریم نواز کے اثاثے چھپانے پر قوم الیکشن کمیشن کی جانب سے کیپٹن ریٹائرڈ صفدر عباسی کے خلاف ایکشن کی منتظر ہے۔

Case filed by PTI before ECP against Capt Safdar's concealment of wife's assets. Now nation waits to see ECP act to implement it's laws

— Imran Khan (@ImranKhanPTI) May 12, 2016

عمران خان نے کہا کہ ہمارے نبی حضرت محمد ﷺ نے متنبہ کیا تھا کہ بہت سی قومیں جن میں امیروں کے لئے الگ اور غریبوں کے لئے الگ قانون تھا وہ تباہ و برباد ہو گئیں۔

Our Prophet PBUH had warned that many nations had been destroyed when they had two sets of laws: one for the powerful & one for the weak 1/3

— Imran Khan (@ImranKhanPTI) May 12, 2016