پانامالیکس جوڈیشل کمیشن سے متعلق حکومتی خط پر کارروائی کیلئے درخواست دائر

سپریم کورٹ کی جانب سے حکومتی خط پر فیصلہ نہ ہونے سے سیاسی عدم استحکام پیدا ہورہا ہے،درخواست گزار. فوٹو:فائل

---

KARACHI: حکومت کی جانب سے پاناما لیکس کی تحقیقات کے لئے جوڈیشل کمیشن سے متعلق سپریم کورٹ کے لکھے گئے خط پر کارروائی کے لئے درخواست دائر کردی گئی۔

سپریم کورٹ لاہور رجسٹری میں بیرسٹر ظفراللہ نے پاناما لیکس کی تحقیقات کے لئے جوڈیشل کمیشن کے قیام سے متعلق حکومت کی جانب سے لکھے گئے خط پر کارروائی کے لئے درخواست دائر کی۔ درخواست گزارنے موقف اختیار کیا کہ سپریم کورٹ کی جانب سے حکومتی خط پر فیصلہ نہ ہونے سے سیاسی عدم استحکام پیدا ہورہا ہے اس لئے چیف جسٹس آف پاکستان جوڈیشل کمیشن کے قیام سے متعلق حکومتی خط پر فوری فیصلہ کریں۔