ممبئیبال ٹھاکرے کی آخری رسومات لاکھوں افراد کی شرکت

ممبئی پولیس کا کہنا ہے کہ 15 لاکھ افراد بال ٹھاکرے کی آخری رسومات میں شرکت کریں گے۔ فوٹو: اے ایف پی

---

ہندو انتہا پسند تنظیم شیو سینا کے سربراہ بال ٹھاکرے کی آخری رسومات بھارتی شہر ممبئی میں ادا کی جارہی ہیں۔

بھارتی میڈیا کے مطابق ان کی آخری رسومات ممبئی کے شیوا جی پارک میں مقامی وقت کے مطابق شام 6بجے ادا کی جائے گی۔ ان کی آخری رسومات میں شرکت کرنے کے لئے اہم سیاسی شخصیات سمیت ملک بھر سے لاکھوں لوگ پہنچ گئے ہیں۔
ممبئی پولیس کا کہنا ہے کہ 15 لاکھ افراد بال ٹھاکرے کی آخری رسومات میں شرکت کریں گے جس کے لئے سیکورٹی انتظامات مکمل کرلئے گئے ہیں ، دوسری جانب ممبئی کے بازار مکمل طور پر بند ہیں اور شہر کی سڑکوں سے پبلک ٹرانسپورٹ غائب ہے۔
بال ٹھاکرے گزشتہ روز ممبئی میں اپنی ہائش گاہ میں طویل علالت کے بعد چل بسے تھے، انہیں گردے اور پھیپھڑوں کے امراض لاحق تھے، بال ٹھاکرے بھارت میں آباد اقلیتوں خصوصی طور پر مسلمانوں کے شدید مخالف تھے۔ بابری مسجد کی شہادت سمیت کئی مسلم کش فسادات میں وہی براہ راست ملوث تھے ۔