رائیونڈ تبلیغی اجتماع کا دوسرا مرحلہ ختم شرکا کی منزلوں کو روانگی

اجتماع میں شریک لاکھوں مسلمانوں کی واپسی کا عمل جاری ہے۔ فوٹو: ای پی اے

---

ISLAMABAD: رائیونڈ میں جاری سالانہ تبلیغی اجتماع کا دوسرا مرحلہ ختم ہوگیا، جس کے بعد اجتماع میں شریک لاکھوں مسلمانوں کی واپسی کا عمل جاری ہے۔

3 روزہ تبلیغی اجتماع کے اختتامی بیان میں حاجی عبدالوہاب نے امت مسلمہ کے اتحاد اور دینی فکر پرزور دیا۔ ان کا کہنا تھا کہ دنیاوی مشکلات دین سے دوری کا نتیجہ ہیں۔ اختتامی خطاب کے بعد بھارت سے خصوصی طور پر آئے معروف عالم دین مولانا زبیرالحسن نےاختتامی دعا کرائی، اس موقع پر ہر آنکھ پُرنم تھی، جب کہ لوگوں نے گڑگڑا کر اللہ کے حضور اپنے گناہوں کی معافی مانگی۔ دعا کے بعد لوگوں نے اپنی منزلوں کی جانب رواں دواں ہوگئے۔
اجتماع کے موقع پر مقامی انتظامیہ کی جانب سے کئے انتظامات کے باعث کسی قسم کی بدنظمی دیکھنے میں نہیں آئی۔ سیکورٹی کے لئے بھی پولیس کی بھاری نفری موجود رہی۔