جراسک ورلڈ کے ڈائریکٹر کا علی حیدر گیلانی کوفون فلم بنانے کی پیشکش

ہالی ووڈ ڈائریکٹر نے علی حیدر گیلانی کی 3 سالہ قید اور اس دوران پیش آنے والے واقعات کو لے کر فلم بنانے کی پیشکش کی۔ فوٹو؛ فائل

---

HYDERABAD: ہالی ووڈ کی شہرہ آفاق فلم ''جراسک ورلڈ'' کے ڈائریکٹر اسٹیون سپیل برگ نے علی حیدر گیلانی کو اغوا کے 3 سالوں پر فلم بنانے کی پیش کش کردی ہے۔

ہالی ووڈ کے شہرہ آفاق ڈائریکٹر اسٹیون سپیل برگ نے سابق وزیر اعظم یوسف رضا گیلانی کے بیٹے علی حیدر گیلانی کو ٹیلی فون کرکے خیریت دریافت کی اور اغوا کے 3 سالوں پر فلم بنانے کی خواہش کا اظہار کیا۔

ہالی ووڈ ڈائریکٹر کا علی حیدر گیلانی کو فلم کی پیشکش کرتے ہوئے کہنا تھا کہ آپ کی 3 سالہ قید کے دوارن جو واقعات پیش آئے ان پر فلم بنانا چاہتا ہوں۔ ذرائع کا کہنا ہےکہ ہالی ووڈ ڈائریکٹر کی پیشکش پر علی حیدر گیلانی کی جانب سے کوئی رد عمل سامنے نہیں آیا ہے۔

واضح رہے کہ گزشتہ دنوں علی حیدر گیلانی کو 3 سال القاعدہ کی قید میں رہنے کے بعد غزنی میں ہونے والے آپریشن میں بازیاب کرایا گیا تھا۔