ایکسپریس میڈیا گروپ کے تعاون سے فلم ’’ہوٹل‘‘ نمائش کے لیے پیش کردی گئی

بھارت میں فلم ’’ہوٹل‘‘ کو بے حد پذیرائی ملی، اداکارہ میرا کی پریس کانفرنس

---

پاکستان کے سب سے بڑے ایکسپریس میڈیا گروپ کے اشتراک سے فلم ''ہوٹل''ملک بھر کے سینما گھروں میں ریلیز کردی گئی ہے۔

کراچی پریس کلب میں پریس کانفرنس کرتے ہوئے اداکارہ میرا نے کہا کہ بھارت میں فلم ''ہوٹل'' کو بے حد پذیرائی ملی، دہلی فلم فیسٹیول میں دو ایوارڈ بھی ملے، معروف بھارتی ہدایت کار سبھاش گھئی نے میری اداکاری کی تعریف کرتے ہوئے کہا کہ میں نے کترینہ کیف سے بھی اچھی ہندی بولی ہے جب کہ مہیش بھٹ نے مجھے بالی ووڈ میں موقع تو ضرور دیا لیکن میری آواز فلم میں شامل نہیں کی کیونکہ وہ میرے تلفظ کی ادائیگی سے مطمئن نہیں تھے۔



میرا نے بتایا کہ 12 مئی میری سالگرہ ہے اور آج 13 مئی میری فلم ہوٹل ریلیز ہورہی ہے۔ سالگرہ کی خبر سنتے ہی میڈیا کے نمائندوں نے میرا سے ان کی عمر کے بارے میں پوچھا تو کچھ لمحے خاموشی کے بعد میرا نے ایک کاغذ پر 1985 تحریر کرکے بتایا کہ یہ میری تاریخ پیدائش ہے۔ میرا نے کہا کہ شوبز میں میرے خلاف بے شمار سازشیں ہوئیں اور ان تمام سازشوں کا میں نے اکیلے مقابلہ کیا۔