تجاوزات کیخلاف آپریشن صدیق الفاروق کا ن لیگی رکن اسمبلی پر قاتلانہ حملے کا الزام

(ن) لیگی ایم پی اے ذوالقرنین ڈوگر نے بلوائیوں کے ہاتھوں مجھے قتل کرانے کی کوشش کی، چیرمین متروکہ املاک بورڈ

ویب ڈیسک May 14, 2016

ننکانہ صاحب کا ڈی پی او ڈاکٹر عثمان بھی کمزور اور قبضہ گروپ کے ساتھ ملا ہوا ہے، صدیق الفاروق۔ فوٹو: فائل

چیرمین متروکہ املاک بورڈ صدیق الفاروق نے الزام عائد کیا ہے کہ تجاوزات کے خلاف آپریشن کرنے پر (ن) لیگی رکن اسمبلی ذوالقرنین ڈوگر نے انھیں قتل کرنے کی کوشش کی۔

ایکسپریس نیوز سے بات کرتے ہوئے صدیق الفاروق کا کہنا تھا کہ آج ہم نے ننکانہ صاحب میں محکمہ اوقاف کی 45 کنال زمین واگزار کرانے کے لئے پولیس کے ساتھ آپریشن کیا تو وہاں کے مقامی ایم پی اے ذوالقرنین ڈوگر نے چوہدری ریاض کے ساتھ مل کر انھیں قتل کا منصوبہ بنایا اور بلوائیوں کے ذریعے میری گاڑی پر حملہ کروایا، اگر آج اللہ میرے ساتھ نہ ہوتا تو شاید یہ لوگ مجھے قتل کر دیتے۔ ان کا کہنا تھا کہ ذوالقرنین ڈوگر کے بیٹے نے بھی سرکاری زمینوں پر قبضہ کر رکھا تھا جسے ہم نے واگزار کرایا تھا جب کہ آج بھی ذوالقرنین ڈوگر اپنے حلقے میں باقاعدہ اعلان کر کے بلوائیوں کو میرے پیچھے بھیجا۔

صدیق الفاروق کا کہنا تھا کہ علاقے کے ڈی سی او ڈاکٹر عثمان بھی بہت کمزور بلکہ بعض معاملات میں قبضہ مافیا کے ساتھ ملے ہوئے ہیں، آئی جی پنجاب اور سیکرٹری پنجاب کے نوٹس میں بھی یہ بات لا چکا ہوں اور بارہا انھیں تبدیل کرنے کا بھی کہہ چکا ہوں لیکن ہر بار ان کی کوئی بڑی سفارش آ جاتی ہے، امید ہے کہ وزیراعلیٰ پنجاب شہباز شریف اس واقعہ کا نوٹس لیں گے کیونکہ وہ خود بھی قانون پر سختی سے عمل درآمد کرتے ہیں اور کسی کو بھی قانون کی خلاف ورزی نہیں کرنے دیتے۔

قبل ازیں چیرمین متروکہ املاک بورڈ صدیق الفاروق کی سربراہی میں محکمہ اوقاف کی ٹیم نے تجاوزات کے خلاف آپریشن کر کے درجنوں غیر قانونی مکانات کو مسمار کیا جس کے خلاف بڑی تعداد میں لوگ سڑکوں پر نکل آئے اور مظاہرین نے محکمہ اوقاف کے دفتر کو آگ لگادی اور دفتر کے اندر موجود سامان اور ریکارڈ بھی جلا دیا، اس کے علاوہ مظاہرین نے صدیق الفاروق کی گاڑی پر پتھراؤ بھی کیا جب کہ ریلوے روڈ پر واقع دکانیں زبردستی بند کرادیں اور مرکزی شاہراہ بھی بلاک کردی۔

وزیراعلیٰ پنجاب شہباز شریف نے ننکانہ صاحب میں تجاوزات کے خلاف آپریشن کرنے والی ٹیم پر حملے اور محکمہ اوقاف کا دفتر جلانے کا نوٹس لیتے ہوئے متعلقہ حکام سے تفصیلات طلب کرلیں۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

تجاوزات کیخلاف آپریشن صدیق الفاروق کا ن لیگی رکن اسمبلی پر قاتلانہ حملے کا الزام

پاکستان

جسٹس فائز عیسیٰ آئین و جمہوریت کے عمل میں غیر متزلزل رہے، اٹارنی جنرل

پنجاب بلدیاتی انتخابات؛ مسلم لیگ ن کا 26اکتوبر کو تنظیمی اجلاس طلب

عافیہ صدیقی کیس میں حکومت وفد امریکا بھیجے گی، ایڈیشنل اٹارنی جنرل

چیف جسٹس فائز عیسیٰ نے اپنے ساتھی ججز میں تفریق پیدا کی، جسٹس منصور کا خط سامنے آگیا

ہم قانون اور کاغذ پر چلتے ہیں، سچ کیا ہے یہ اوپر والا جانتا ہے، چیف جسٹس کا الوداعی فل کورٹ سے خطاب

تجاوزات کیخلاف آپریشن صدیق الفاروق کا ن لیگی رکن اسمبلی پر قاتلانہ حملے کا الزام

ہمارے ساتھ شامل ہوں

مقبول خبریں

پاکستان

جسٹس فائز عیسیٰ آئین و جمہوریت کے عمل میں غیر متزلزل رہے، اٹارنی جنرل

پنجاب بلدیاتی انتخابات؛ مسلم لیگ ن کا 26اکتوبر کو تنظیمی اجلاس طلب

عافیہ صدیقی کیس میں حکومت وفد امریکا بھیجے گی، ایڈیشنل اٹارنی جنرل

چیف جسٹس فائز عیسیٰ نے اپنے ساتھی ججز میں تفریق پیدا کی، جسٹس منصور کا خط سامنے آگیا

ہم قانون اور کاغذ پر چلتے ہیں، سچ کیا ہے یہ اوپر والا جانتا ہے، چیف جسٹس کا الوداعی فل کورٹ سے خطاب