اعتزاز احسن کا مولانا فضل الرحمن کے ساتھ رابطے سے انکار

اپوزیشن جماعتوں کا بھی مولانا فضل الرحمن سے کسی قسم کا رابطہ نہ کرنے کا فیصلہ

INP May 16, 2016

آصف زرداری کی ہدایت کے باوجود اعتزازاحسن نے مولانا فضل الرحمن سے رابطے سے انکار کردیا۔ فوٹو: فائل

پیپلز پارٹی کے شریک چیئرمین آصف زرداری کی ہدایت کے باوجود اعتزاز احسن نے جے یوآئی (ف) کے سربراہ مولانا فضل الرحمن سے رابطہ کرنے سے انکار کردیا، اپوزیشن کی دیگر جماعتوں نے بھی مولانا فضل الرحمن کے ساتھ کسی قسم کا رابطہ نہ کرنے کا فیصلہ کیا ہے۔

ذرائع کے مطابق مولانا فضل الرحمن نے آصف زرداری سے رابطہ کر کے ان سے کہا کہ وہ اعتزاز احسن کو ہدایت کریں کہ وہ موجودہ صورت حال کے حوالے سے مجھ سے بھی رابطہ اور مشاورت کریں مگر اعتزاز احسن نے آصف زرداری کی ہدایت کے باوجود مولانا فضل الرحمن سے رابطے سے انکار کردیا اور جب معاملہ اپوزیشن جماعتوں کے اجلاس میں سامنے آیا تو وہاں بھی مولانا فضل الرحمن سے رابطے کی شدید مخالفت کرتے ہوئے ان سے کسی قسم کا رابطہ نہ کرنے کا فیصلہ کیا گیا۔

عوامی مسلم لیگ کے سربراہ شیخ رشید نے تصدیق کرتے ہوئے بتایا ہے کہ آصف زرداری کی ہدایت کے باوجود اعتزاز نے رابطہ نہیں کیا کیونکہ اپوزیشن جماعتیں سمجھتی ہیں کہ مولانا فضل الرحمن آئیںگے تو کوئی سازش کریں گے۔