پاکستان کی خودمختاریسالمیت اورقومی سلامتی پر تعاون جاری رکھیں گے چین کی یقین دہانی

چین کی قیادت نے پاکستان کو درپیش چینلنجز کو چین کے چیلنجز قرار دیا،ترجمان پاک فوج۔ فوٹو: آئی ایس پی آر

---

DUBAI: سربراہ پاک فوج جنرل راحیل شریف نے چینی وزیراعظم، وزیرخارجہ، وائس چیئرمین ملٹری کمیشن اور سی جی ایس سے ملاقات کی جس میں خطے کی سیکیورٹی اور مشترکہ چینلجز سے متعلق امور پر تبادلہ خیال کیا گیا جب کہ چین نے ایک بار پھر پاکستان کی خودمختاری،سالمیت اورقومی سلامتی کی یقینی دہانی کرائی۔

ترجمان پاک فوج لیفٹینٹ جنرل عاصم سلیم باجوہ کے مطابق سربراہ پاک فوج جنرل راحیل شریف نے چینی سول و عسکری قیادت سے ملاقاتیں کی جس میں خطے کی سیکیورٹی سمیت دیگر امور پر تبادلہ خیال کیا گیا۔ ملاقات میں دونوں ممالک کے دیرینہ تعلقات سمیت پاک چین اقتصادی راہداری منصوبے اور قیام امن کے لئے کی جانے والی کوششوں پر بھی بات کی گئی۔

Both sides agreed on the imperative of peace&stability in South Asia.Chinese ldrs say; "Challenges to Pak are challenges to China"-4

— Gen(R) Asim Saleem Bajwa (@AsimBajwaISPR) May 17, 2016

Chinese Pol&mil leadership Reassured,China will support Pak in ensuring Pak's sovereignty,integrity,national security&development-3

— Gen(R) Asim Saleem Bajwa (@AsimBajwaISPR) May 17, 2016

ترجمان کے مطابق چین کی سیاسی و عسکری قیادت نے یقین دہانی کرائی کہ چین پاکستان کی خودمختاری، سالمیت ، قومی سلامتی اور ترقی میں تعان جاری رکھے گا۔ دونوں جانب سے جنوبی ایشیا میں امن اور خوشحالی کی کوششوں پر زور دیا گیا جب کہ چین کی قیادت نے پاکستان کو درپیش چینلنجز کو چین کے چیلنجز قرار دیا۔

Appreciated Pak Army's accomplishment in indiscriminate fight vs terrorism,eliminating hide outs.will support Pak in capacity building-5

— Gen(R) Asim Saleem Bajwa (@AsimBajwaISPR) May 17, 2016

ترجمان پاک فوج کے مطابق چینی قیادت نے دہشت گردوں کے خلاف جاری بلاامتیار آپریشن اور ان کے ٹھکانوں کے خاتمے کی پاک فوج کی کوششوں کو سراہا اور پاکستان کی مکمل حمایت کا یقین دلایا جب کہ پاک چین اقتصادی راہداری منصوبے کی سیکیورٹی کے لئے پاک فوج کے کردار کی تعریف بھی کی۔

Chinese ldrs appreciate Pak Army's role in CPEC security.Faster dev of CPEC will realise dream of prosperity across the region-6

— Gen(R) Asim Saleem Bajwa (@AsimBajwaISPR) May 17, 2016

دوسری جانب بیجنگ میں پریس کانفرنس کرتے ہوئے ڈی جی آئی ایس پی آر لیفٹیننٹ جنرل عاصم باجوہ کا کہنا تھا کہ آرمی چیف جنرل راحیل شریف کا دورہ چین انتہائی مفید رہا، پاک چین مشترکہ چیلنجرز سے مقابلے کے لیے تعاون کرسکتے ہیں۔ انہوں نے کہا کہ تجارتی رہداری سے خطے میں خوشحالی میں آئے گی جب کہ منصوبے سے پاکستان سمیت خطے کو فائدہ ہوگا اور سیکیورٹی میں بھی اضافہ ہوگا۔