ایم کیوایم کا پاناما لیکس کے معاملے پر متحدہ اپوزیشن سے الگ ہونے کا فیصلہ

پانامہ لیکس میں ایم کیو ایم کے کسی بھی رہنما کا نام شامل نہیں ہے۔ فوٹو : فائل

---

KARACHI: متحدہ قومی موومنٹ نے پاناما لیکس کے معاملے پر متحدہ اپوزیشن سے الگ ہونے کا فیصلہ کرلیا ہے۔

ذرائع کے مطابق ایم کیو ایم کی رابطہ کمیٹی کے ہنگامی اجلاس میں پاناما لیکس کے معاملے پر متحدہ اپوزیشن سے الگ ہونے کا فیصلہ کیا گیا ہے جب کہ آئندہ کے لائحہ عمل کے لیے مشاورتی کمیٹی کا اجلاس بھی طلب کرلیا گیا ہے جس پر مشاورت کے لیے سینیٹر بیرسٹر سیف اور سینیٹر میاں عتیق کراچی پہنچ رہے ہیں۔

ذرائع کے مطابق ایم کیو ایم کو نہ صرف اپوزیشن رہنماؤں کے نام پاناما لیکس میں شامل ہونے کی وجہ سے تحفظات تھے بلکہ متحدہ اپوزیشن کے فیصلوں میں ایم کیو ایم سے کوئی رائے نہیں لی جارہی تھی حتیٰ کہ گزشتہ روز وزیراعظم کی تقریر کے بعد ایوان سے بائیکاٹ کے معاملے پر متحدہ اپوزیشن کی جانب سے ایم کیو ایم کو اعتماد میں نہیں لیا گیا۔