لیجنڈری اداکار رشی کپور گاندھی فیملی پر برس پڑے

کانگریس نے دہلی ایئرپورٹ کا نام اندرا گاندھی کے بجائے مہاتما گاندھی، بھگت سنگھ یا میرے نام پر کیوں نہیں رکھا،رشی کپور فوٹو: فائل

---

SWAT: بالی ووڈ کے لیجنڈری اداکار رشی کپور ملک بھر کے اہم مقامات اور سڑکوں کے نام گاندھی فیملی کے ناموں پر رکھنے پر برس پڑے جب کہ انہوں نے کانگریس کوبھی شدید تنقید کا نشانہ بنایا۔

بالی ووڈ اداکار رشی کپور سماجی رابطوں کی ویب سائٹس پر اپنے خیالات کا اظہار کھل کر کرتے ہیں اور اپنے متنازعہ بیانات کی وجہ سے بھی کافی شہرت رکھتے ہیں تاہم اب انہوں نے گاندھی خاندان کو تنقید کا نشانہ بنا ڈالا جس کے بعد بھارت میں نئی بحث چھڑ گئی ہے۔

Change Gandhi family assets named by Congress.Bandra/Worli Sea Link to Lata Mangeshkar or JRD Tata link road. Baap ka maal samjh rakha tha ?

— Rishi Kapoor (@chintskap) May 17, 2016

رشی کپور کا سماجی رابطے کی ویب سائٹ ٹوئٹر پر کہنا تھا کہ کانگریس نے بھارت کو اپنے باپ کا مال سمجھ رکھا ہے جو ہر مقام کا نام گاندھی خاندان پر رکھ دیتی ہے، اسے کسی مقام کا نام رکھنے کے لئے لتا منگیشکریاد نہیں آتیں جب کہ ایک اور ٹوئٹ میں کہا کہ دہلی کے ایئرپورٹ کا نام اندرا گاندھی کے نام پر کیوں رکھا گیا مہاتما گاندھی، بھگت سنگھ یا میرے نام پر کیوں نہیں رکھا گیا۔

Why Indira G airport International ? Why not Mahatma Gandhi or Bhagat Singh Ambedkar or on my name Rishi Kapoor. As superficial! What say?

— Rishi Kapoor (@chintskap) May 17, 2016

لیجنڈری اداکار نے یہیں بس نہیں کی اس کے بعد ایک اور ٹوئٹ کرڈالا جس میں انہوں نے کہا کہ بھارت کے اہم مقامات کے نام ملک کے لیے قربانیاں دینے والے افراد کے نام پرہونے چاہئیں ہر چیز گاندھی کے نام ہوجس پر ہم سب کو سوچنا ہوگا جب کہ جب دلی کی سڑکیں بدل سکتی ہیں تو کانگریس کے دیئے ہوئے نام کیوں نہیں بدل سکتے۔

If roads in Delhi can be changed why not Congress assets/property ke naam? Was in Chandigarh wahan bhi Rajeev Gandhi assets? Socho? Why?

— Rishi Kapoor (@chintskap) May 17, 2016

رشی کپور کا کہنا تھا کہ فلم سٹی دلیپ کمار، امیتابھ بچن ، اشوک کمار یا دیوآنند کے نام پر ہونا چاہئے نہ کہ راجیو گاندھی ، ذرا سوچو دوستو یہ کیا ہے سب۔

Film City should be named Dilip Kumar,Dev Anand,Ashok Kumar ya Amitabh Bachchan ke naam? Rajeev Gandhi udyog Kya hota hai? Socho doston!

— Rishi Kapoor (@chintskap) May 17, 2016

دوسری جانب رشی کپور کے ٹوئٹس کے بعد بھارت میں ایک نئی بحث چھڑ گئی جس کے بعد فلم نگری کے ستارے اور سیاست دان ان کے خیالات کی حمایت اورمخالفت میں سامنے آگئے ہیں جب کہ کانگریس نے رشی کپور کے بیانات کی شدید مخالفت کی ہے۔