پیٹرولیم مصنوعات کی قیمتوں میں 5 روپے 75 پیسے تک اضافے کا امکان

پیٹرول ایک روپے 25 پیسے، مٹی کا تیل 3 روپے 25 پیسے اورلائٹ ڈیزل 2 روپے 97 پیسے فی لیٹراضافے کا امکان ہے۔ فوٹو؛ فائل

---

یکم جون سے پیٹرولیم مصنوعات کی قیمتوں میں 5 روپے 75 پیسے تک اضافے کا امکان ہے۔

ایکسپریس نیوز کے مطابق عالمی مارکیٹ میں خام تیل کی قیمت 46 ڈالرفی بیرل تک پہنچنے کے بعد اوگرا نے بھی آئندہ ماہ پیٹرولیم مصنوعات کی قیمتوں میں اضافے کی تیاری شروع کردی ہے، اوگرا کی جانب سے پیٹرولیم مصنوعات میں اضافے کی سمری تیار کرکے وزارت پیٹرولیم کو بھجوائی جائے گی ۔ ذرائع کے مطابق یکم جون سے پیٹرولیم مصنوعات کی قیمتوں میں 5 روپے 75 پیسے تک اضافہ کیے جانے کا امکان ہے۔

ذرائع کے مطابق ہائی اسپیڈ ڈیزل اور ہائی اوکٹین کی قیمتوں میں 5 روپے 75 پیسے، لائٹ ڈیزل 2 روپے 92 پیسے، پیٹرول ایک روپے 25 پیسے اور مٹی کے تیل میں 3 روپے 25 پیسے فی لیٹر تک اضافے کا امکان ہے۔