DUBAI:
شیوسینا کے سربراہ بال ٹھاکرے کی موت پر پورا شہر بند ہونے کے خلاف فیس بک پر کمنٹ کرنے پر 21 سال کی لڑکی اور اس کی دوست کو گرفتار کرلیا گیا۔
ہفتے کو بال ٹھاکرے کی موت کے بعد پورا ممبئی شہر بند ہوگیا اور دوسرے روز ان کی آخری رسومات کےموقع پر تو ایک پان کا کھوکا تک نہیں کھلا جس پر 21 سال کی لڑکی نے اپنے فیس بک اکاؤنٹ پر مکمل شٹر ڈاؤن کے خلاف سلگتا سوال لکھ دیا اور اس کی دوست نے اس سوال کو پسند کیا جس پر لڑکی اور اس کی دوست کو گرفتار کرلیا گیا بعد ازاں دونوں لڑکیوں کو مقامی عدالت نے ضمانت پر رہا کردیا۔
شیوسینا کے کارکنوں کے دل میں لگی آگ لڑکی کی گرفتاری سے بھی نہ بجھی اور انہوں نے لڑکی کے چچا کا کلینک بھی توڑ دیا۔