قومی اسمبلی میں سابق وزیراعظم یوسف رضا گیلانی کے26اپریل سے 19جون تک دیئے گئے احکامات کو قانونی شکل دینے کا بل منظور کرلیا گیا۔
اسپیکر ڈاکٹر فہمیدہ مرزا کی زیر صدارت قومی اسمبلی کے اجلاس میں وفاقی وزیر قانون نے بل پیش کیا جسے ایوان نے منظور کرلیا۔
وفاقی وزیر قانون فاروق ایچ نائک کا کہنا تھا کہ سابق وزیر اعظم یوسف رضا گیلانی 19 جون 2012 تک نااہل قرار نہیں دیئے گئے تھے۔ اس عرصے میں گیلانی حکومت نے ججز کی تعیناتی سمیت ملکی امور سے متعلق اہم فیصلے کئے تھے۔ جسے قانونی تحفظ دینا ضروری ہے۔
واضح رہے کہ 26 اپریل کو سپریم کورٹ نے سابق وزیراعظم یوسف رضا گیلانی کو این آر او عملدرآمد کیس میں توہین عدالت کا مرتکب قرار دیتے ہوئے کچھ لمحوں کی سزا سنائی تھی جبکہ 19 جون کو سپریم کورٹ نے این آراوپراپنا مختصر فیصلہ سناتے ہوئے یوسف رضا گیلانی کو وزیر اعظم کے عیدے سے نااہل قرار دے دیا ۔