سینیٹ کی قائمہ کمیٹی برائے قانون وانصاف نے دہری شہریت بل کی منظوری دےدی جس کے تحت دہری شہریت کے حامل افراد عام انتخابات میں حصہ لے سکیں گے۔

اسلام آباد میں سینیٹ کی قائمہ کمیٹی برائے قانون وانصاف کا اجلاس چیئرمین کاظم خان کی زیرصدارت ہواجس میں دہری شہریت بل کی منظوری دی گئی۔

بل کے تحت دہری شہریت کےحامل افراد آئندہ عام انتخابات میں حصہ لے سکیں گےتاہم منتخب ہونے کے بعد اور حلف اٹھانے سے پہلے انہیں دہری شہریت چھوڑنا ہوگی۔