میر حاصل بزنجو اور شیخ آفتاب نے وفاقی وزرا کا حلف اٹھا لیا

نیشنل پارٹی کے سربراہ میر حاصل بزنجو اور (ن) لیگ کے شیخ آفتاب نے وفاقی وزرا کی حیثیت سے حلف اٹھا لیا۔


سرکاری خبر رساں ادارے کےمطابق میر حاصل بزنجو اور شیخ آفتاب نے ایوان صدر میں وفاقی وزرا کی حیثیت سے حلف اٹھایا جہاں صدر ممنون حسین نے ان سےحلف لیا جب کہ حلف برداری کی تقریب مکمل طور پر اردو میں ہوئی اور وفاقی وزرا نے بھی قومی زبان میں حلف لیا۔

صدر مملکت ممنون حسین نے دونوں وزرا کو منصب سنبھالنے پر مبارکباد دیتے ہوئے توقع ظاہر کی کہ دونوں وزرا اپنی ذمہ داریوں کوبھرپور طریقے سے نبھائیں گے۔ ذرائع کےمطابق میر حاصل بزنجو کو وزارت پورٹ اینڈ شپنگ اور شیخ آفتاب کو پارلیمانی امور کا چارج دیا گیا ہے جب کہ کامران مائیکل انسانی حقوق کے معاملات دیکھیں گے۔