رمضان کے بعد کرپشن اور پاناما کے خلاف فیصلہ کن تحریک چلائیں گے میاں محمودالرشید

پنجاب اسمبلی میں قائد حزب اختلاف میاں محمود الرشید کا کہنا ہے کہ رمضان كے بعد كرپشن اور پاناما كے خلاف فیصلہ كن تحریك شروع ہوگی اور عوام تیار رہیں اب کسی کو جدہ نہیں بھاگنے دیں گے۔


پنجاب پبلک سیکریٹریٹ کےباہر میڈیا سے بات کرتے ہوئے میاں محمود الرشید نے کہا کہ مركز اور پنجاب میں حزب اختلاف كی جماعتیں متحد ہیں، رمضان كے بعد كرپشن كے خلاف فیصلہ كن تحریك شروع ہو گی جس دوران جیل بھرو مہم بھی چلائیں گے اور دھرنے بھی دیں گے ۔انہوں نے حكمرانوں كو بے حس قرار دیتے ہوئے كہا كہ قیامت خیز گرمی میں ملك كے كسان، اساتذہ، سركاری ملازم اپنے جائز حقوق کے لیے سڑكوں پر ہیں لیكن وزیراعلیٰ گڈ گورننس كا راگ الاپتے نہیں تھكتے، كہتے ہیں ایك پائی كی بھی كرپشن ثابت ہوجائے تو اقتدار چھوڑ دوں گا لیكن سستی روٹی اسكیم، انكم سپورٹ پروگرام سمیت درجنوں محكموں اور منصوبوں میں كروڑوں روپے كی مالی بے ضابطگیاں ہوئیں اس كا جواب كو ن دے گا۔

اپوزیشن لیڈر میاں محمود الر شید نے كہا كہ قوم ملكی وسائل لوٹنے والے بد دیانت حكمرانوں كو جدہ نہیں بھاگنے دے گی، اب وقت آگیا ہے ہر ایك كا احتساب كیا جائے اور ملكی دولت واپس لانے کے لیے اقدامات كیے جائیں۔