ڈیوائن براوو شاہ رخ اور سلمان خان کے مداح نکلے

شاہ رخ خان کی فلم ’’مائی نیم از خان‘‘ سب سے پسندیدہ فلم ہے جسے کئی بار دیکھ چکا ہوں، ویسٹ انڈین کرکٹر، فوٹو:فائل

---

''چیمپئن چیمپئن'' گیت سے عالمی شہرت حاصل کرنے والے ویسٹ انڈیز کے معروف کرکٹر ڈیوائن براوو بھی بالی ووڈ کے کنگ شاہ رخ خان اور سلمان خان کے مداح نکلے۔

بالی ووڈ اسٹارز شاہ رخ خان اور سلمان خان کا شمار فلم نگری کے صف اول کے اداکاروں میں ہوتا ہے یہی وجہ ہے دنیا بھر میں ان کے کروڑوں مداح ہیں جب کہ ان مداحوں میں کرکٹ کے بڑے بڑے نام بھی شامل ہیں تاہم اب ایک اور عالمی شہرت یافتہ کرکٹر بھی دونوں خانز کا مداح نکلا ہے۔

میڈیا رپورٹس کے مطابق ''چیمپئن چیمپئن'' گیت سے عالمی شہرت حاصل کرنے والے ویسٹ انڈیز کے معروف کرکٹرڈیوائن براوو نے مشہور کامیڈی شو ''دی کپل شرما شو'' میں شرکت کی جہاں اپنے خیالات کا اظہار کرتے ہوئے ان کا کہنا تھا کہ انہیں بالی ووڈ فلمیں بہت پسند ہیں اسی لیے فارغ اوقات میں نئی فلمیں شوق سے دیکھتے ہیں۔ انہوں نے بتایا کہ وہ شاہ رخ خان اور سلمان خان کے بڑے مداح ہیں اور شاہ رخ خان کی فلم ''مائی نیم از خان'' ان کی سب سے پسندیدہ فلم ہے جسے وہ کئی بار دیکھ چکے ہیں۔