سلمان خان کی شادی ہوچکی ہے والد سلیم خان

سلمان کا ایک بیٹا بھی ہے جس کا نام عامر خان ہے، سلیم خان ، فوٹو؛ فائل

---

بالی ووڈ کے دبنگ سپر اسٹار سلمان خان کے والد اور اسکرپٹ رائٹر سلیم خان کا کہنا ہے کہ میرے بیٹے سلمان کی شادی 40 سال پہلے ہوچکی ہے اور اس کا ایک بیٹا بھی ہے۔

بالی ووڈ اسٹار سلمان خان فلم نگری کے کنوارے صف اول کے اداکار ہیں جن کی کئی معاشقوں کے باوجود اب تک شادی نہیں ہوئی ہے جب کہ گزشتہ کئی دنوں سے سلو میاں کی اپنی رومانیہ کی دوست لولیا وینتر کے ساتھ رواں سال شادی کی خبریں سامنے آئی ہیں جس کا خان فیملی کی جانب سے تردید یا تصدیق نہیں کی جارہی ہے تاہم اب سلو میاں کے والد نے ان کی شادی سے متعلق ایسی بات کی جس پر دو پل کے لیے ان کے مداح حیرانی کی تصویر بن گئے۔

میڈیا رپورٹس کے مطابق بالی ووڈ سپر اسٹار سلمان خان کی شادی سے متعلق سوال پر ان کے والد سلیم خان نے کہا کہ میرے بیٹے سلمان کی شادی 40 سال پہلے ہوچکی ہے اور اس کا ایک بیٹا بھی ہے جس کا نام عامر خان ہے۔ سلیم خان کے جواب پر میڈیا نمائندے حیرت کی تصویر بن گئے تاہم اس کے اگلے ہی لمحے سلیم خان نے مسکراتے ہوئے اپنے جواب کو ایک مذاق قرار دے دیا۔

واضح رہے کہ بھارتی میڈیا نے سلمان خان اور ان کی غیر ملکی دوست لولیا وینتر کی رواں سال دسمبر میں شادی کا امکان ظاہر کیا ہے۔