اسرائیل دہشت گرد ملک ہے ترک وزیر اعظم

ترکی کے وزیر اعظم طیپ اردگان نے فلسطین میں اسرائیل کی جانب سے حملے اور شدید بمباری کی مذمت کرتے ہوئے اسرائیل کو دہشت گرد ملک قرار دیا ہے۔

انہوں نے کہا کہ جن لوگوں نے اسلام کا نام دہشتگردی سے منسلک کر رکھا ہے انہوں نے غزہ میں جاری اسرائیلی جارحیت کے نتیجے میں ہونے والی ہلاکتوں سے آنکھیں موند رکھی ہیں۔


ادھر اٹلی کے وزیر اعظم ماریو مونٹی اور ان کے قطر کے ہم منصب نے دوحا میں مشترکہ پریس کانفرنس سے خطاب کرتے ہوئے کہا کہ غزہ میں فوری جنگ بندی کی جائے۔ اٹلی کے وزیر اعظم نے کہا کہ غزہ میں جنگ بندی کر کے امن مزاکرات شروع کئے جائیں۔

واضح رہے کہ غزہ میں 6 روز سے جاری اسرائیلی حملوں کے نتیجے میں اب تک 98 فلسطینی شہید ہو چکے ہیں۔