پاناما لیکس پارلیمانی کمیٹی کے لیے حکومتی ارکان کے ناموں کا اعلان

اسحاق ڈار، سعد رفیق، خواجہ آصف، میر حاصل بزنجو، انوشہ رحمان اور اکرم درانی کو پارلیمانی کمیٹی میں شامل کیا گیا ہے۔

ویب ڈیسک May 23, 2016

اسحاق ڈار، سعد رفیق، خواجہ آصف، میر حاصل بزنجو، انوشہ رحمان اور اکرم درانی کو پارلیمانی کمیٹی میں شامل کیا گیا ہے۔ فوٹو؛ فائل

حکومت نے پاناما لیکس پر ٹی او آرز مرتب کرنے کے لیے تشکیل دی گئی پارلیمانی کمیٹی کے لیے اپنے نمائندوں کے ناموں کا اعلان کردیا۔

حکومت نے پاناما لیکس کمیشن کے ٹی او آرز مرتب کرنے کے لیے تشکیل دی گئی پارلیمانی کمیٹی کے لیے اپنے نمائندوں کا اعلان کردیا ہے۔ حکومت کی جانب سے وفاقی وزرا اسحاق ڈار، خواجہ سعد رفیق، خواجہ آصف، میر حاصل بزنجو، انوشہ رحمان اور اکرم خان درانی پارلیمانی کمیٹی میں شامل کیا گیا ہے۔

حکومت اور اپوزیشن کی جانب سے ٹی او آرز مرتب کرنے کے لیے 12 رکنی پارلیمانی کمیٹی تشکیل دی گئی ہے جس میں دونوں جانب سے 6،6 اراکین شامل ہیں۔ اپوزیشن کے نمائندوں میں سینیٹر اعتزاز احسن، شاہ محمود قریشی، غلام احمد بلور، بیرسٹر سیف، طارق اللہ اور طارق بشیر چیمہ شامل ہیں جب کہ پارلیمانی کمیٹی کی سربراہی کسی کے پاس نہیں ہوگی اور کمیٹی 2 ہفتوں میں اپنی تجاویز ایوان میں پیش کرنے کی پابند ہے۔