سلمان خان کی نئی فلم ’’سلطان‘‘ کا ٹریلر جاری ہوتے ہی چھاگیا

ٹریلر کو جاری ہونے کے 24 گھنٹوں میں55 لاکھ سے زائد افراد دیکھ چکے جس سے یہ سب سے زیادہ دیکھا جانے والا ٹریلر بن گیا۔

---

بالی ووڈ اسٹار سلمان خان کی نئی آنے والی فلم ''سلطان'' کا ٹریلر مقبولیت کی انتہا کوپہنچ گیا جسے جاری ہونے کے 24 گھنٹوں میں اب تک 55 لاکھ سے زائد افراد دیکھ چکے ہیں۔

بالی ووڈ کے سپر اسٹار سلمان خان کا شمار فلم نگری کے صف اول کے اداکاروں میں ہوتا ہے جن کی فلموں کا بڑی بے صبری سے انتظار کیا جاتا ہے اور یہی نہیں ان کی فلموں کے ٹریلر کو بھی بڑی پذیرائی ملتی ہے جب کہ سلو میاں کی رواں سال ریلیز ہونے والی فلم ''سلطان'' کابھی بڑی شدت سے انتظار کیا جارہا ہے تاہم فلم کے ٹریلر نے سوشل میڈیا پر دھوم مچادی ہے۔

میڈیا رپورٹس کے مطابق گزشتہ روز سلمان خان کی فلم ''سلطان'' کا ٹریلر جاری ہوا جس نے دیکھتے ہی دیکھتے سوشل میڈیا پردھوم مچادی ہے اور فلم کے ٹریلر کو 24 گھنٹوں میں 55 لاکھ سے زائد افراد دیکھ چکے ہیں جس کے بعد یہ کسی بھی فلم کا سب سے زیادہ دیکھا جانے والا ٹریلر بن گیا ہے۔ دوسری جانب اداکار سلمان خان نے بھی سماجی رابطے کی ویب سائٹ ٹوئٹر پر فلم کا ٹریلر جاری کیا۔

https://t.co/LVNcu9CIyb

— Salman Khan (@BeingSalmanKhan) May 24, 2016

واضح رہے کہ یش راج فلمز کے بینر تلے بننے والی فلم ''سلطان'' میں سلمان خان اورانوشکا شرما مرکزی کردار ادا کریں گے جب کہ فلم رواں سال عید کے موقع پرنمائش کے لیے پیش کی جائے گی۔