گیل کے دفاع میں سیمی سامنے آگئے

گیل میرے ٹیم میٹ اور میں ان کا بہت احترام کرتا ہوں، وہ درحقیقت تفریح فراہم کرنے والی شخصیت ہیں، سیمی، فوٹو: فائل

---

نئے تنازع کا شکار کرس گیل کے دفاع میں ویسٹ انڈین ٹوئنٹی 20 کپتان ڈیرن سیمی سامنے آگئے۔

انھوں نے کہاکہ گیل ایک آسان ہدف ہیں، انھیں خاص طور پر اخبارات کی سیل بڑھانے کیلیے ٹارگٹ کیا جاتا ہے۔ ان سے جان بوجھ کو ایسے سوالات کیے جاتے ہیں جن کے جواب الگ قسم کے ہوتے اور پھر اسی کو جواز بناکر ان کی توہین شروع کردی جاتی ہے، سیمی نے کہا کہ گیل میرے ٹیم میٹ اور میں ان کا بہت احترام کرتا ہوں، وہ درحقیقت تفریح فراہم کرنے والی شخصیت ہیں، ان کا مذاق اڑانے کے بجائے احترام کرنا چاہیے۔

یاد رہے کہ گیل پر حال ہی میں ایک اور خاتون رپورٹر کے ساتھ انٹرویو میں ذومعنی باتیں کرنے کا الزام عائد کیا گیا ہے۔