100ویں ٹیسٹ میں سنچری کا کارنامہ گریم اسمتھ دنیا کے ساتویں کرکٹر بن گئے
رکی پونٹنگ کو 100ویں ٹیسٹ کی دونوں اننگز میں سنچی بنانے کا اعزاز حاصل، جاوید میانداد بھی صف میں شامل
جنوبی افریقی کپتان گریم اسمتھ کیریئر کے 100ویں ٹیسٹ میں سنچری داغنے والے دنیا کے ساتویں کرکٹر بن گئے، انھوں نے یہ کارنامہ انگلینڈ کیخلاف سیریز کے جاری پہلے اوول ٹیسٹ کے دوسرے دن انجام دیا، اسمتھ 131 کی اننگزکھیل کر میدان بدر ہوئے۔
رکی پونٹنگ کو سنچری ٹیسٹ کی دونوں اننگز میں تھری فیگر اننگز کھیلنے کا منفرد اعزاز حاصل ہے، پاکستان کے سابق عظیم بیٹسمین جاوید میاندار اورانضمام الحق کے ساتھ انگلینڈ کے کولن کائوڈرے اور الیک اسٹورٹ، ویسٹ انڈین گورڈن گرینیج بھی اپنے100ویں ٹیسٹ میں سنچریاں داغنے کامنفردکارنامہ انجام دے چکے ہیں۔