پشاور سے2 خود کش بمبار گرفتاروزیرستان میںبمباری8جنگجو ہلاک

پشاورسے گرفتار ہونے وا لے مبینہ خود کش بمبار۔ فوٹو: ایکسپریس

---

شمالی وزیرستان اوردرہ آدم خیل میںسیکیورٹی فورسز کے گن شپ طیاروںکی بمباری سے8شدت پسند ہلاک ہوگئے ہیں۔

پشاور میں دوخودکش حملہ آوروں کوروک کربارودی جیکٹ بر آمدکرکے ناکارہ بنادی گئیں۔ اطلاعات کیمطابق میرعلی بازارخیسوخیل خوشحالی باڑوخیل ایپی اورحیدرخیل میںگن شپ ہیلی کاپٹروںسے شیلنگ کی گئی جسکے نتیجے میں 4افرادہلاک اور متعددزخمی ہوئے،مقامی ذرائع کے مطابق ہلاک ہونیوالوںمیں 5سال کابچہ جبکہ زخمیوںمیں2خواتین بھی شامل ہیں،درہ آدم خیل کے علاقوںخرما تنگ اورطورچینا میںبھی فورسزنے گن شپ ہیلی کاپٹروںسے شدت پسندوں کے ٹھکانوں کونشانہ بنایایہاں بھی 4شدت پسندمارے گئے اوران کے متعددٹھکانے تباہ کردیے گئے۔

پشاور میںدہشت گردی کابڑامنصوبہ ناکام بنادیاگیا، پشاورپولیس نے سربند میں پولیس چوکی پردوموٹر سائیکل خودکش حملہ آوروںکوروک کر بارودی جیکٹ بر آمدکرکے ناکارہ بنادیں۔ ایک 15 سالہ خودکش حملہ آورنے جینز کی پینٹ پہن رکھی تھی اور نشے میںتھا، پولیس نے ریموٹ کنٹرول قابوکرکے لڑکے کو قریبی پٹرول پمپ کے کمرے میںبند کرکے بی ڈی ایس کوطلب کرلیااور جیکٹ ناکارہ بنا دی،جیکٹ میں 10کلو بارودی موادبھراگیا تھا۔ پولیس نے دونوں کو تفتیش کے لیے نامعلوم مقام پر منتقل کردیا ' پولیس کے مطابق 15 سالہ لڑکے کا نام بلال اور تعلق باڑہ سے ہے جبکہ استادکا نام جہانگیرہے۔

میرانشاہ میںنامعلوم مسلح افراد نے فائرنگ کرکے مقامی قبائلی ملک نور دین داوڑ کو منگل کو قتل کردیا،باڑہ اکاخیل میںموٹر سائیکل سواری کی پابندی کی خلاف ورزی پرسیکیورٹی فورسزکی فائرنگ سے جوان فیصل ولد جاوید موقع پردم توڑ گیا،باڑہ اکاخیل میں محمد علی چوک میں اکاخیل جانیوالی سیکیورٹی فورسزکی گاڑی الٹ گئی جس مین نائیک عزیز،سپاہی ریاض،سپاہی جبار اورسپاہی صلاح الدین زخمی ہوگئے جنکوسی ایم ایچ منتقل کردیاگیا،ڈیرہ اسما عیل خان کی تحصیل کلاچی کے علاقہ روڑی میںممبرصوبائی اسمبلی خلیفہ عبدالقیوم کاقریبی رشتے دارمحمد فاروق گنڈہ پوردونامعلوم ملزمان کی فائرنگ سے جاںبحق ہوگیا۔