مادھوری نے فلم’’دل ‘‘ کی شوٹنگ کے دوران عامر خان پرہاکی اٹھانے کے راز سے پردہ اٹھادیا

اداکارہ فلم ’’دل‘‘ کی شوٹنگ کے دوران سیٹ پر عامر خان کی شرارت پر فوراً غصے میں آگئی تھیں۔

ویب ڈیسک June 02, 2016

اداکارہ فلم ’’دل‘‘ کی شوٹنگ کے دوران سیٹ پر عامر خان کی شرارت پر فوراً غصے میں آگئی تھیں۔ فوٹو؛ فائل

بالی ووڈ کے سپر اسٹار عامر خان کی مادھوری ڈکشٹ سے فلم ''دل'' کے سیٹ پرشرارت اس وقت مہنگی پڑگئی جس پر اداکارہ انہیں مارنے کے لیے ہاکی لے کر پیچھے دوڑتی رہیں۔

بالی ووڈ اسٹار عامر خان اپنی جاندار اداکاری کے حوالے سے شہرت رکھتے ہیں لیکن وہ اپنے ساتھی اداکاروں کے ساتھ ہنسی مذاق کرنے میں بھی مشہور ہیں تاہم اپنی ساتھی اداکارہ کے ساتھ مذاق کیا جو انہیں مہنگا پڑگیا ۔

بالی ووڈ اسٹار عامر خان اور ڈانسنگ کوئین مادھوری ڈکشٹ نے 1990 میں ریلیز ہونے والی بلاک بسٹر فلم ''دل'' کی شوٹنگ کے دوران اداکارہ سے شرارت کی جو انہیں اس قدر ناگوار گزری کہ فوراً غصے میں آگئیں اور سیٹ پر عامر خان کو مارنے کے لیے ہاکی لے کر دوڑیں جس پر اداکار کو بھاگ کر اپنی جان بچانی پڑی تاہم عامر خان نے مذاق پر معافی مانگی اور آئندہ مذاق کرنے سے توبہ کرلی جب کہ مسٹر پرفیکشنسٹ عامر خان کی شرارت کا واقعہ خود مادھوری ڈکشٹ نے سوشل میڈیا پر مداحوں کو بتایا ہے۔

.@aditi_meena #askMadhuri pic.twitter.com/B3ujGzF6en
— Madhuri Dixit Nene (@MadhuriDixit) May 31, 2016

واضح رہے کہ اداکار عامر خان اور مادھوری ڈکشٹ نے فلم ''دل'' میں مرکزی کردار ادا کیا تھا جب کہ فلم میں دونوں اداکاروں کی جوڑی کو بے حد پسند کیا گیا تھا۔