امیتابھ اورجیا بچن نے ازدواجی زندگی کے 43 سال مکمل کرلیے

امیتابھ اور جیا بچن 3 جون 1973 کو رشتہ ازدواج میں منسلک ہوئے۔ فوٹو؛ فائل

---

لاہور: بھارتی فلم انڈسٹری کے میگا اسٹار امیتابھ بچن اور جیا بچن آج اپنی شادی کی 43 ویں سالگرہ منائی۔

گلیمرس کی چکا چوند دنیا میں جہاں رشتے بنتے اور ٹوٹتے ہیں وہیں اداکار امیتابھ بچن اور جیا بچن کی جوڑی محبت اور پائیدار رشتے کی بڑی مثال ہے جو 43 سالہ رفاقت خوش و خرم گزار رہے ہیں۔

بالی ووڈ کے شہنشاہ امیتابھ اور جیا بچن کی جوڑی نے 1973 میں ریلیز ہونے والی فلم'' زنجیر'' سے شہرت پائی جس کے بعد ان کی محبت پروان چڑھی اور دونوں اداکار 3 جو ن 1973 کو رشتہ ازدواج میں منسلک ہوئے۔ ماضی کی سپر اسٹارجوڑی نے بالی ووڈ کو کئی کامیاب فلمیں دیں جس میں ''ابھیمان''،''چپکے چپکے''، ''شعلے'' ،''زنجیر'' ،''کبھی خوشی کبھی غم'' سمیت دیگر شامل ہیں۔

T 2275 - It shall be impossible to thank all that wish us for our wedding Anniversary .. but thank you all .. pic.twitter.com/GgrmvAzNOq

— Amitabh Bachchan (@SrBachchan) June 2, 2016

بالی ووڈ میگا اسٹارامیتابھ بچن نے سماجی رابطے کی ویب سائٹ ٹوئٹر پر شادی کی سالگرہ پر نیک خواہشات کا اظہار کرنے والوں کا شکریہ اداکیا۔