شلپا شیٹی کے شوہر نے طلاق کی افواہیں رد کردیں

شلپا جتنا خیال رکھتی ہیں کوئی اور عورت نہیں رکھ سکتی، شلپا شیٹی

Showbiz Desk June 04, 2016

شلپا جتنا خیال رکھتی ہیں کوئی اور عورت نہیں رکھ سکتی، شلپا شیٹی فوٹو : فائل

بالی وڈ کی دراز قد اور خوبرو اداکارہ شلپا شیٹی اور راج کندرا کو ایک دوسرے کا لائف پارٹنر بنے سات سال ہوچکے ہیں اور دونوں کا یہ سفر انتہائی کامیابی سے جاری ہے۔

گزشتہ دنوں اس افواہ نے شلپا شیٹی کے پرستاروں کو پریشان کر کے رکھ دیا تھا کہ ان کے اپنے شوہر راج کندرا سے تعلقات کشیدہ ہوگئے ہیں اور یہ کہ راج کندرا شلپا کوطلاق دینے کا سوچ رہے ہیں۔لیکن راج کندرا نے اس معاملے پر اپنی خاموشی توڑتے ہوئے اپنے اور شلپا کے درمیان طلاق کی خبروں کو افواہ قرار دیا ہے ان کا کہنا تھا کہ وہ اپنی اہلیہ کے ساتھ بہت مزے میں ہیں۔

شلپا ان کا جتنا خیال رکھتی ہیں کوئی اور عورت نہیں رکھ سکتی۔راج کندرا نے اعلان کیا کہ وہ 8جون کو شلپا شیٹی کی سالگرہ انوکھے طریقے سے منائیں گے اور ایک ایسا سرپرائز دیں گے کہ ہمارے درمیان فساد پھیلانے والوں کے منہ بند ہوجائیں گے۔