لاہور ہائیکورٹ میں صدر کے دو عہدوں سے متعلق کیس کی سماعت 5 دسمبر تک ملتوی

آئندہ کوئی التوا نہیں دیا جائے گا اور سماعت روزانہ کی بنیاد پر ہوگی۔ جسٹس عمر عطاء بندیال. فوٹو فائل

---

ہائیکورٹ میں صدر آصف علی زرداری کے دو عہدوں سے متعلق کیس کی سماعت 5 دسمبر تک ملتوی کردی گئی۔

لاہور ہائیکورٹ نےوفاق کے وکیل وسیم سجاد کی جانب سے دائر التوا کی درخواست منظور کرتے ہوئے سماعت 5 دسمبر تک ملتوی کردی، اس موقع پر چیف جسٹس لاہور ہائیکورٹ جسٹس عمر عطاء بندیال نے ریمارکس دیئے کہ آئندہ کوئی التوا نہیں دیا جائے گا اور سماعت روزانہ کی بنیاد پر ہوگی۔

اس سے قبل لاہور ہائیکورٹ نے عدالتی حکم کے باوجود ایوان صدرمیں سیاسی سرگرمیاں جاری رکھنے پرصدرآصف زرداری کے خلاف جماعت اسلامی کی دائر توہین عدالت کیس کی سماعت غیرمعینہ مدت تک ملتوی کردی تھی۔