پشاور اور گرد و نواح میں آندھی کے باعث مختلف حادثات و واقعات میں کئی افراد زخمی

آندھی کی رفتار 110 کلو میٹر فی گھنٹہ تھی،پی ڈی ایم اے فوٹو: فائل

---

شہر اور گرد و نواح کے مختلف علاقوں میں ایک بار پھر چلنے والی آندھی سے کئی افراد زخمی ہوگئے۔

ایکسپریس نیوز کے مطابق پشاور اور گرد و نواح کو دن بھر گرمی کے بعد سہہ پہر کو گرد آلود آندھی نے اپنی لپیٹ میں لے لیا۔ جس کے باعث کئی مقامات پر دیواریں گرنے سے 5 افراد زخمی ہوگئے ، جنہیں اسپتال منتقل کردیا گیا جہاں ان کی حالت خطرے سے باہر ہے۔ پی ڈی ایم اے کا کہنا ہے کہ پشاور میں چلنے والی ہواؤں کی رفتار 110 میل فی گھنٹہ تھی۔

دوسری جانب محکمہ موسمیات نے کوہاٹ ، پشاور اور مالا کنڈ ڈویژن میں گرد آلود طوفان اور گرج چمک کے ساتھ بارش کا امکان ظاہر کیا ہے۔

واضح کہ 3 روز قبل بھی پشاور سمیت خیبر پختونخوا اور راولپنڈی اسلام آباد میں آندھی کے باعث 15 افراد جاں بحق ہوگئے تھے۔