وزیر اعظم کی حالت میں بہتری آئی سی یو سے کمرے میں منتقل

وزیراعظم نوازشریف کی اوپن ہارٹ سرجری لندن کے ’’ہارلے اسٹریٹ کلینک‘‘ میں کی گئی ۔ فوٹو:آئی این پی

---

وزیر نواز شریف شریف دل کی اوپن ہارٹ سرجری کے بعد تیزی سے صحت یاب ہورہے ہیں اور اب ڈاکٹروں نے انہیں آئی سی یو سے کمرے میں منتقل کردیا ہے۔

وزیراعظم نوازشریف کی صاحبزادی مریم نواز نے سماجی رابطے کی ویب سائٹ ٹویٹر پر اپنے پیغام میں کہا کہ اللہ کے فضل و کرم سے وزیراعظم تیزی سے صحت یاب ہورہے ہیں، انہیں آج آئی سی یو سے کمرے میں منتقل کردیا گیا ہے۔

By the Grace Of The Almighty, the Prime Minister has been shifted to his room today. He is Masha'Allah recovering speedily.

— Maryam Nawaz Sharif (@MaryamNSharif) June 4, 2016

مریم نواز نے مزید کہا کہ ڈاکٹر بھی وزیراعظم کی تیزی سے صحت یابی سے مطمئن ہیں اور انہیں لگائی جانے والی ڈرپس ہٹالی گئیں ہیں۔

واضح رہے کہ وزیر اعظم نواز شریف کا گزشتہ دنوں لندن میں دل کا آپریشن ہوا تھااور وہ اب بھی اسپتال میں زیر علاج ہیں۔