نریندر مودی نے افغانستان میں بھارت کے تعاون سے بننے والے ہائیڈرو الیکٹرک ڈیم کا افتتاح کردیا

ڈیم 290 ملین ڈالر کی لاگت سے تعمیر ہوگا جو 42 میگاواٹ بجلی پیدا کرے گا۔ فوٹو؛ اے ایف پی

---

ISLAMABAD: بھارتی وزیراعظم نریندر مودی نے افغانستان میں بھارت کے تعاون سے سلمیٰ ہائیڈرو الیکٹرک ڈیم کا افتتاح کردیا۔

غیر ملکی خبر رساں ادارے کے مطابق بھارتی وزیراعظم نریندر مودی نے ہفتہ کو افغانستان کا دورہ کیا جہاں انہوں نے افغان صدر اشرف غنی کے ساتھ مل کرصوبے ہرات میں بھارتی حکومت کے تعاون سے بنائے جانے والے سلمیٰ ہائیڈرو الیکٹرک ڈیم کا افتتاح کیا۔ میڈیا رپورٹس کے مطابق 290 ملین ڈالر کی لاگت سے تعمیر ہونے والے اس ڈیم سے 42 میگاواٹ بجلی پیدا ہوسکےگی جب کہ منصوبے سے افغانستان کو توانائی کے مسائل پر قابو پانےمیں مدد ملے گی۔

Inauguration of the Afghan India Friendship Dam is a historic moment of emotion & pride in the relations between Afghanistan and India.

— Narendra Modi (@narendramodi) June 4, 2016

ڈیم کے افتتاح کے بعد ٹوئٹر پر اپنے بیان میں نریندر مودی نےکہا کہ ڈیم کی تعمیر بھارت اور افغانستان کی دوستی کا نشان ہے جس سے لوگوں کے گھروں میں روشنی آئی گی اور زمینوں کو سیراب کیا جائے گا جب کہ اس منصوبے سے خطے کے عوام خوشحال ہوں گے بلکہ افغانستان کے خوشحال مستقبل کی اہم نوید ہے۔

Inauguration of the Afghan India Friendship Dam is a historic moment of emotion & pride in the relations between Afghanistan and India.

— Narendra Modi (@narendramodi) June 4, 2016

دوسری جانب افغان صدر اشرف غنی کا کہنا تھا کہ سلمیٰ ڈیم کی تعمیر دونوں ممالک کے درمیان تعلقات کو بڑھانے اور مضبوط کرنے کی طرف ایک اہم قدم ہے۔