چوہدری نثار پورس کے ہاتھی ہیں جو نواز حکومت کو چلتا نہیں دیکھ سکتے مولا بخش چانڈیو

چوہدری نثار وزیراعظم بننے كا خواب دیكھنا چھوڑیں اوراپنی  وزارت پر توجہ دیں، صوبائی مشیر اطلاعات، فوٹو؛ فائل

---

RIYADH: مشیر اطلاعات سندھ مولا بخش چانڈیو کا کہنا ہے کہ چوہدری نثار پورس كے ہاتھی ہیں جو نواز حكومت كو چلتا نہیں دیكھ سكتے ہیں۔

وفاقی وزیر داخلہ چوہدری نثار كی بلاول بھٹو زرداری پركی جانے والی تنقید پر جواب دیتے ہوئے مولا بخش چانڈیو نے کہا کہ شہید ذوالفقاربھٹو اور بینظیربھٹو كے وارث كا نام بلاول ہے، دانشمندی عمر سے نہیں آتی، سیاست بلاول بھٹو زرداری كے خون میں ہے۔ انہوں نے كہا كہ تربیت كی ضرورت بلاول كو نہیں چوہدری نثار كو ہے، وہ پورس كے ہاتھی ہیں جو نواز حكومت كو چلتا نہیں دیكھ سكتے ہیں۔ ان کا کہنا تھا کہ چوہدری نثار وزیراعظم بننے كا خواب دیكھنا چھوڑیں اوراپنی وزارت پر توجہ دیں۔