تھر میں سہولتوں کیلیے باکسر عامر خان نے ذاتی اشیا نیلام کردیں

عامرخان ذاتی اشیا کی نیلامی سےحاصل ہونے والی رقم تھرمیں پینےکے صاف پانی اورطبی سہولتوں کویقینی بنانے کیلیے وقف کریں گے:فوٹو: فائل

---

لاہور: تھر کے عوام کے لیے جو کام سندھ سرکار نہ کر سکی اس کا بیڑہ 7 سمندر پار سے آئے پاکستانی نژاد برطانوی باکسر نے اٹھا لیا۔

اسٹارباکسر عامر خان نے تھر کے مفلوک الحال باسیوں کی خدمت کیلیے اپنی زیر استعمال چیزیں نیلام کر دیں، عامر خان کی ٹی شرٹس، دستانے، آٹو گراف والی تصویریں اور پینٹنگز نیلامی کیلیے پیش کی گئیں تو قدر دانوں نے ہاتھوں ہاتھ دام لگائے، عامر خان ذاتی اشیا کی نیلامی سے حاصل ہونے والی رقم تھر میں پینے کے صاف پانی اور طبی سہولتوں کو یقینی بنانے کیلیے وقف کریں گے، نیلامی کے موقع پر باکسنگ کے مقابلے بھی ہوئے۔