تحریک انصاف اقتدارمیں آکر 11 وزیروں سے حکومتی نظام چلائے گیعمران خان

تحریک انصاف کے چیئرمین عمران خان نے کہا ہے کہ پاکستان تحریک انصاف اقتدار میں آئی تو صرف11 وزیروں کے ساتھ ہی ملک کا نظام چلا کر دکھائے گی۔


لاہور ٹیکس ہاؤس ایسوسی ایشن کے زیراہتمام تقریب سے خطاب کرتے ہوئے عمران خان نے کہا کہ پیپلزپارٹی اورمسلم لیگ ن وسائل کا بے دریغ استعمال کررہے ہیں۔ انہوں نے کہا کہ ان کی جماعت ملک میں ٹیکس کے نظام کو بہتر بنا کر ملک کو فلاحی ریاست بنائے گی۔

عمران خان نے کہا کہ وی آئی پی ڈیوٹی پرموجودپولیس اہلکاروں کو تنخواہیں غریب عوام کے ٹیکسوں سے ادا کی جاتی ہیں، حکمرانوں کی شاہ خرچیوں سےغریبوں کا جینا مشکل ہوگیا ہے۔