نوواک جوکووچ نے اینڈی مرے کو شکست دیکر فرنچ اوپن ٹائٹل اپنے نام کرلیا

ٹاپ سیڈ سربیئن اسٹار نے فائنل میں برطانوی حریف اینڈی مرے کو 6-3، 1-6، 2-6 اور4-6 سے مات دی ۔ فوٹو : اے ایف پی

---

عالمی نمبرون نوواک جوکووچ نے فرنچ اوپن ٹرافی جیت کر کیریئر کا ' گرینڈ سلم ' مکمل کرلیا اور وہ سیزن کے تمام چاروں گرینڈ سلم جیتنے والے دنیا کے آٹھویں کھلاڑی بن گئے۔

سیزن کے دوسرے گرینڈ سلم فرنچ اوپن میں عالمی نمبرون نوواک جوکووچ نے مینز سنگلز ٹرافی جیت کر کیریئر کا ' گرینڈ سلم ' مکمل کرلیا، وہ سیزن کے تمام چاروں گرینڈ سلم جیتنے والے دنیا کے آٹھویں کھلاڑی بنے، یہ ان کا مجموعی طور پر 12واں گرینڈ سلم بنا، ان سے قبل اس سنگ میل کو فریڈ پیری، ڈون بوج، راڈ لیور، روئے ایمرسن، آندرے اگاسی ، راجرفیڈرر اور رافیل نڈال نے عبور کیا۔ ٹاپ سیڈ سربیئن اسٹار نے فائنل میں برطانوی حریف اینڈی مرے کو 6-3، 1-6، 2-6 اور4-6 سے مات دی۔