پوجا گپتا کی نئی فلم ’’رومیو شارٹ کٹ‘‘ ریلیز کیلئے تیار

لڑائی کرنا جانتی ہوں ،مگر صلح پسند ہوں، پوجا گپتا۔ فوٹو: فائل

---

بالی وڈ اداکارہ پوجا گپتانئی فلم ''شارٹ کٹ رومیو''میں نیل نیتن مکیش کی ہیروئن بنیں گی ۔

اداکارہ پوجا گپتا کا کہنا ہے کہ بالی وڈ میں مختصر عرصے میںبڑی عزت ملی ہے ۔انھوں نے بتایا کہ نئی فلم میں روٹین سے ہٹ کر کردار نبھارہی ہوں ۔امیشا پٹیل بھی میرے ساتھ کام کررہی ہیں۔ انھوں نے کہا کہ اپنے کردار کو حقیقت کا رنگ دینے کے لیے اس کا مطالعہ کیا ہے اس پر محنت کررہی ہوں ،مجھے یقین ہے اس فلم میں شائقین کو میرا انداز پسند آئے گا ،اپنی پرفارمنس سے شائقین کے دل جیت لوں گی ۔اداکارہ کا کہنا ہے کہ ڈرائنگ،رائٹنگ، سیروسیاحت اور یوگا کی شوقین ہوں۔

پوجا نے بتایا کہ اس نے مارشل آرٹ میں بھی مہارت حاصل کررکھی ہے ۔لڑائی کرنا جانتی ہوں ،مگر صلح پسند ہوں ۔پوجا نے بتایا کہ 2007ء میں مس یونیورس کا اعزاز بھی جیتا ہے۔اداکاری سے قبل میکسیکو میں ہونیوالے مقابلہ حسن میں حصہ لیا۔پہلی فلم ریمو ڈی سوزاکی ''ایف اے ایل ٹی یو ''میں پرفارم کیا۔اس فلم میں ایف اے ایل ٹی یو کا مطلب '' فقیر چند اینڈ لکیر چند ٹرسٹ یونیورسٹی ''ہے۔ یکم اپریل 2011 ء کو ریلیز ہونے والی یہ فلم بھی 2006ء کی فلم ''ایکسپٹڈ'' کا ری میک تھی یہ فلم کامیڈی تھی اور اس میں جیکی بھگنانی اور رتیش دیش مکھ کے ساتھ اہم کردار نبھایا ۔اس فلم میں ارشد وارثی اور بومن ایرانی بھی اہم کرداروں میں جلوہ گرہوئے ۔

اس وقت دو فلمیں کررہی ہوں جن میںپروڈیوسر سیف علی خان کی فلم ''گوگوا گان ''بھی ہے ۔یہ فلم ہندی اور گجراتی زبانوں میں ریلیز کی جارہی ہے ۔اب تک کی میری بڑی ہندی فلم جو اس وقت ریلیز کے لیے تیار ہے وہ ''شارٹ کٹ رومیو''ہی ہے ۔اس فلم کی کہانی سوسی گنیش نے ہی تحریر کی ہے ،اور فلم کے پروڈیوسر ڈائریکٹر بھی وہی ہیں۔فلم کا میوزک ہمیش رشمیاں نے تیار کیا ہے ۔یہ فلم مارچ 2013ء کو سینماگھروں کی زینت بنائی جائے گی ۔اداکارہ کا کہنا ہے کہ اس میں میرا کردار اہم ہوگا اور اسے انتہائی لگن اور شوق سے نبھایا ہے ۔انھوں نے کہا کہ اس فلم میں کام کرکے شائقین کے دل جیتنے کی کوشش کررہی ہوں۔

واضح رہے کہ بالی وڈ میں 2007ء کے دوران قدم رکھنے والی پوجا گپتا نے اب تک صرف دو ہی فلمیں کی ہیں تاہم تیسری فلم بھی اہم ہے جس میں وہ سیف علی خان کے ساتھ اہم کردار میں کاسٹ کی گئی ہیں ۔24سالہ اداکارہ نئی دہلی میں پیدا ہوئیں ،سیاحت کے فروغ کے لیے کام کرنے والے بڑے ہالی وڈ فنکاروں کے ساتھ بھی رہنے کا شرف ملاہے۔اداکارہ نے ماڈلنگ کے شعبے میں پہلے نام کمایا اور کئی مقابلوں میں حصہ لیا۔ان کی کارکردگی سے متاثر ہوکر کئی بالی وڈ ہدایتکاروں اور پروڈیوسرز نے نئی فلموں میں کام دینے کی آفرز کیں جس پر انھوں نے غور کرنے کا فیصلہ کیا ۔فلموں میں اپنی پسند کا کردار بھی حاصل کرنے میں کامیابی حاصل کرنے کا اعزاز پاچکی ہیں ۔

اداکارہ کا کہنا ہے کہ انھوں نے انتہائی قلیل عرصے میں اچھی اور معیاری فلموں کا انتخاب کرکے بہت کچھ پالیا ہے۔ ماڈلنگ کے آغاز پر ہی پوجا کا شمار ٹاپ ٹین ماڈلز میں کیاجانے لگا ۔اداکارہ کی نئی فلم سے بڑی توقعات ہیں ،اس حوالے سے فلمی حلقوں کا کہنا ہے کہ پوجا کی پرفارمنس کا فیصلہ آنیوالی فلم سے ہی ہوسکے گا۔ ان کا کہنا ہے کہ کامیڈی رول میں تو ان کی اینٹری ہوئی ہے اور اب انھیں ہٹ کر جو کردار نبھانے کا موقع ملا ہے اس میں ان کی خوبی کا کھل کر اظہار ہوسکے گا۔ قبل ازیں ہدایتکارو فلمساز گنیش کا کہنا ہے کہ پوجا گپتا کی پرفارمنس یادگار ہوگی،فلم میں ان کے کردار کو ان کی شخصیت کے مطابق ہی تحریر کیا گیا ہے ۔