بالی ووڈ کی نامورشخصیات کی ماہ صیام کی مبارکباد

بالی ووڈ کے نامور اداکار امیتابھ بچن، پریانکا چوپڑااور ہدایتکار کرن جوہر سمیت متعدد فلمی شخصیات نے مسلمانوں اور اپنے مداحوں کورمضان المبار ک کی مبارکباد دی ہے۔

دنیا بھر میں رمضان المبارک کی آمد پر جہاں مسلمانوں کومبارکباد دینے کا سلسلہ شروع ہے وہیں بالی ووڈ اداکار بھی مسلم مداحوں سمیت دنیا بھر کے مسلمانوں کو ماہ صیام کی مبارک باد دے رہے ہیں جب کہ بالی ووڈ کے میگا اسٹار امیتابھ بچن نے سماجی رابطے کی ویب سائٹ ٹوئٹرپر اپنے مداحوں کو رمضان المبار ک کی مبارکباد دی۔

نامور ہدایتکار کرن جوہر نے بھی ٹوئٹر پر ماہ صیام کی مبارکباد کے ساتھ ساتھ نیک خواہشات کا اظہار کیا ہے۔

اداکارہ پریانکا چوپڑا کا بھی ٹوئٹرپر کہنا تھا کہ تمام مسلمانوں کو رمضان مبار ک ہو اور سب کو محبت، امن اور خوشحالی سے نوازے جب کہ اداکار رتیش دیش مکھ نے بھی سماجی رابطے کی ویب سائٹ ٹوئٹر پر اپنے مداحوں کو ماہ صیام کی مبارک باد کے ساتھ نیک خواہشات کا اظہار کیا۔

بالی ووڈ اداکارہ مادھوری ڈکشٹ نے بھی ٹوئٹر پر ماہ صیام کی مبارکباد کے ساتھ نیک خواہشات کا اظہار کیا ہے۔