ہیمپشائر کے غیرملکی کرکٹرز شاہد آفریدی اور ڈیرن سیمی نے انگلش ٹوئنٹی 20 ایونٹ کے فارمیٹ پر اعتراض کردیا، دونوں نے جوز بٹلر کی تنقید سے اتفاق کیا جنھوں نے ایونٹ کی طوالت پر شدید اعتراض کیاتھا۔

اس وقت ٹوئنٹی 20 بلاسٹ میچزہر ویک کے اینڈ پرہوتے ہیں جبکہ باقی ہفتے میں فرسٹ کلاس میچ کھیلا جاتا ہے۔ سیمی نے کہاکہ یہ ٹوئنٹی 20 ہے اسے تیزی سے ختم ہونا چاہیے جبکہ آفریدی نے کہا کہ میری چند آفیشلز سے بات ہوئی کہ زیادہ سے زیادہ اس ٹورنامنٹ کی طوالت ایک ماہ ہونا چاہیے، میچز کے درمیان طویل وقفے کی وجہ سے اسپیشلسٹ کرکٹرز کو اپنی فارم اور توجہ برقرار رکھنے میں دشواری ہوتی ہے۔